Na ciudadnan grandi rond di mundo ta existi un problema comun entre tur: E congestion di vehiculo. Esaki ta aumenta den temporada di biahe pa e poblacion y ademas tin consecuencia directo riba hende, manera aumento di stress of perdida di tempo cu nan ser keri.
Riba e tema aki, e empresa Tom Tom, cual ta specialista den desaroyo di sistema di nabegacion pa automobil, a realisa un estudio na 2018 di e midimento di e tempo cu e ciudadanonan a perde den e transito na mas di 400 ciudad di 53 pais.
E investigacion ta dirigi pa e conductornan, planificado di ciudadnan, fabricante di automobil y diseñador di politica publico. Nan metodologia ta basa riba e midimento di velocidad di e transito na segmento di caretera individual y henter rednan.
Di e paisnan di Latino America, aunke e capital Colombiano, Peruano y Mexicano ta den e tres prome luga, e pais cu mas ciudad ta aporta pa e ranking di congestionamiento di vehiculo ta Brasil, cu seis ciudad.
E capital Colombiano, Bogota ta na di dos luga na nivel mundial y e prome na nivel di Latino America. Den e ciudad ey, hende ta gasta 63% mas di nan tempo na e recorido cu nan auto. E estudio ta evidencia e oranan cu tin mas congestion y ta alrededor di 6or di atardi, cual ta e periodo cu ta registra un aumento di hasta 107%.
Di tres luga ta Lima na Peru, sigui pa Ciudad di Mexico, Recife, Sao Paulo y Rio di Janeiro na Brasil, Buenos Aires na Argentina, Santiago de Chile, Salvador Bahia na Brasil, hunto cu Fortaleza y Porto Alegre.
