Segun resumen di awe di DVG, a mira recuperacion di 30 persona y un total di 13 caso nobo di COVID-19 a keda registra di cual ningun (0) no ta residente. E cifranan aki ta representa un tasa di positividad bao di nos residentenan di 33 porciento.
E cantidad di casonan activo di COVID-19 pa awe ta un totalidad di 91 y e cantidad di fayecidonan relaciona cu COVID-19 ta 198. Datonon ta ilustra cu casonan nobo di COVID tin un averahe semanal di 26 caso pa dia y un averahe di tasa di positividad semanal di 28% pa dia.
Actualmente na Aruba tin 11 persona interna cu of debi na COVID di cual den unidad di cuido intensivo, tambe yama ICU no tin ningun (0) persona y riba piso general tin 11.
Na hospital di Colombia tin actualmente 6 persona interna den unidad di cuido intensivo of ICU y ninguno (0) riba piso general.
Tambe DVG a informa cu dia 16, 17 y 18 di februari e Unidad Mobil di Vacunacion BRA lo stacion na e parkinglot di Centro di Bario Playa Pabou.
Na e Unidad Mobil aki, nos ciudadanonan -cuminsando for di 12 aña- por ricibi nan prome of di dos dosis, y ciudadanonan -cuminsando for di 18 aña- nan prome, di dos of e boostershot.
E vacuna disponibel riba e Unidad Mobil di BRA ta unicamente Pfizer.
Orario di atencion lo ta for di 8’or di mainta te cu 12’or di merdia y for di 1’or di atardi te cu 4’or di atardi.
