Segun e ultimo actualisacion di datonan di DVG, ayera a registra 9 caso nobo di Covid-19, di cual tur ta residente.
Ademas, 3 persona mas a recupera. E total di casonan activo te cu ayera ta 1,228, mientras e total di test cu a realisa ta 152.
Hospital a informa cu te cu ayera tabatin 35 persona interna den hospital, di cual 7 tabata den cuido intensivo (ICU) y 28 ta isola riba piso general.
Cu e cifranan mas recien, e total di caso positivo na Aruba a yega 2006, di cual 1971 ta residente. Den total, 768 persona a recupera, di cual 749 ta residente. A realisa un total di 21,266 test, di cual 9,746 tabata na aeropuerto. E cantidad total di morto pa Covid-19 na Aruba a alcansa 10, tur ta residente.
