Directie Volksgezondheid Aruba a publica resumen pa cu e desaroyo di COVID-19 aki na Aruba un biaha mas, unda cu a mira cu e tin 21 persona cu a recupera. Tambe a constata cu tin 18 caso nobo registra di COVID-19 di cual 10 no ta residente.
E cifranan aki ta representa bao di nos residentenan un tasa di positividad di 15 porciento.
Actualmente, e casonan activo di COVID-19 ta di 181 persona, cu e cantidad di fayecidonan relaciona cu COVID-18 un cifra di 174 persona.
Ilustracion di e datonan nobo ta trece dilanti cu e casonan nobo di COVID-19 tin un averahe pa siman di 18 caso pa dia, y un tasa di positividad cu tin un averahe di 11 porciento pa dia semanal.
Na Aruba tin 7 persona cu ta interna den hospital, di cual den e departamento di cuido intensivo, tambe conoci como ICU tin 4 persona, y riba piso general tin e otro 3. Tin persona interna na Colombia tambe, di cual 9 ta den ICU y 3 den piso general.
