Strea original di ‘Saved by the Bell’, Dustin Diamond a cuminsa ricibi tratamento di kimoterapia despues di ser diagnostica cu cancer, segun su representante.
Diamond, miho conoci pa interpreta Screech den e comedia di añanan 90, a keda hospitalisa anteriormente e luna aki na Florida. Siman pasa, su team a revela cu e tin cancer.
“Dustin a completa su prome ronda di kimoterapia y ta programando su proximo ronda. Tambe e lo cuminsa su terapia fisico pronto”, vocero di e actor, Roger Paul, a bisa den un declaracion. “Dustin ta anticipando pa pasa mas tempo cu su pareha, toca su baho, guitara y hunga videowega, como tambe traha video pa su fanaticonan riba rednan social,” Paul a agrega.
‘Saved by the Bell’ tabata transmiti entre 1989 y 1993, y su spinoffs a inclui ‘Saved by the Bell: The College Years’ y ‘Saved by the Bell: The New Class’, cu Diamond participando den ambos. Herfst ultimo a lansa un secuela riba Peacock, den cual hopi di e elenco original a participa, ingluyendo Elizabeth Berkley, Mario Lopez, Tiffani Thiessen y Mark-Paul Gosselaar. Diamond no tabata inclui.
Diamond a ser demanda varios biaha pa impuesto delincuente y den proceduranan di bancarota pa no cumpli cu pago di hipoteca. El a aparece riba shownan di reality TV, a haci un video sexual, y a produci un documental riba Lifetime yama ‘The Unauthorized Saved by the Bell Story’. Na 2015 el a ricibi sentencia di 4 luna di prison pa su rol den un hincamento na un bar na Wisconsin.
