Dialuna atardi laat e oficialnan di Guarda Nos Costa a subi caya bayendo pa controla algun lugar, na caminda pa un di e sitionan a bin topa cu algun persona na Playa pabao y a pidi e hendenan aki pa nan permiso y ningun no por a mustra nan permiso.
Un di esnan gara a sali di un cas pa otro cas bisti cu na boxer y a bin cay den e oficialnan di Guarda Nos Costa, ey mesora a detene y a hibe na nan oficina pa controla su papelnan esta si e tin.
Den algun minuut a logra detene varios persona den e area ey, indicando cu ta hopi indocumenta tin ariba Aruba.
Na yegada di Guarda Nos Costa na e hotzone dilanti di e hotelnan varios persona cu no por a mustra nan permiso a ser hiba na oficina pa wak si nan tin esaki na ordo of nan ta pa wordo deporta.
Mayoria di esnan deteni ta pa wordo deporta y ta wardando nan deportacion.
E departamento aki a demostra e derecho di nan existencia y mester ser re-inforza cu mas personal prepara y cualifica pa asina haci nos por tin un bon control na nos frontera.
