(TMZ) – Kim Kardashian a gana e Premio di Moda na e 2021 People’s Choice Awards riba diamars, y el a gradici su ex-esposo, Kanye West.
Ganador di aña pasa, Tracee Ellis Ross a presenta e premio na Kardashian, kende a bisti un jumpsuit preto preta, gloves y bril di solo, mientras el a modela riba un pasarela largo pa acepta e premio.
Kardashian tabata yen di gratitud y a bisa cu e tabata sinti honra pa ricibi e premio for di Tracee. Pero e gradicimento na su ex-esposo Kanye tabata e momento mas interesante. Kim a bisa cu el a sinti inspira pa asina hopi hende. Pero el a sigura di duna su ex tur su flornan. “Na Kanye”, el a bisa, “pa realmente introduci mi na mundo di moda.”
Kim a splica cu el a cuminsa como un organisador di closet y estilista, pues ricibi e honor a sinti como un momento no real. “Mi a namora di moda y mi ta asina inspira pa asina hopi hende, pero atrobe, esaki ta como un soño cu mi por lanta y bisti e pañanan increible aki y purba cosnan nobo y tuma un riesgo.”
Ta impresionante. Kim a bay di traha tras di counter na tienda Dash te na lansa su propio marca Skims, cu ya ta balora na $1 biyon. Y claro tin su marcanan di beyesa, KKW Beauty y KKW Fragrance.
Pa loke ta Kanye y Kim… Kanye ta expresivo di su amor pa su ex-esposa, kende claramente ta involucra cu Pete Davidson. Sinembargo, e divorcio ta andando.
