Dienst Uitvoering Onderwijs (DUO) ta bishita e islanan den e parti Caribense di Reino cu regularidad pa duna informacion na futuro studiantenan i pa drenta den combersacion cu ex studiantenan cu tin pregunta tocante nan debe di estudio. Lastimamente esaki no ta posibel dor di corona. P´esei for di fin di november te cu prome di februari 2021, DUO ta ofrece extra posibilidad di contacto pa Antia pa medio di internet.
Webinar pa futuro studiantenan i personanan cu tin cu paga bek
Den november DUO ta publica dos webinar pa duna contesta riba e preguntanan mas importante cu tin. Ex studiantenan cu tin cu paga nan debe di estudio bek, entrante diaranson 18 di november lo haña, entre otro, bista riba e posibilidad nan pa paga bek localmente i pa por haci peticion pa balora nan capacidad financiero. Pa futuro studiantenan lo tin un webinar cu ta disponibel entrante 25 di november ,tocante aplicacion di financiamento di estudio. Por meldo bo mes pa e webinarnan via duo.nl/webinar.
Chat y bel via di vidio
Si èks studiantenan of futuro studiantenan ke mas informacion despues di a wak e webinarnan, nan por haci uzo di un canal di chat special cu a crea riba duo.nl/antillen. Nan por haci preguntanan na DUO entrante 19 di november te cu prome di februari otro aña, riba tur diahuebs. Ademas ta posibel pa for di fin di november, riba diamars y diabierna, drenta den contacto personalmente cu un colaborado di e team Caribense di DUO, cu afspraak, pa medio di video
Trabou na midi
Un bishita previo di DUO plania na maart, lastimamente na ultimo ora no por a tuma luga pa motibo di corona. Ex studiantenan cu retraso den pago, cu mester a hiba combersacion cu DUO, a haña un invitacion personal pa un combersacion pa medio di video. Ainda nan ta haña e oportunidad pa hunto cu un colaborado di DUO conhuntamente yega na un solucion. Lo considera e situacion personal di e ex studiante y caminda ta posibel lo bin cu un solucion na midi.
DUO ta ehecuta entre otro lei y regulacionnan riba e tereno di financiamento di institutonan di enseñansa, e dunamento di financiamento di estudio y contribucion den e gastonan escolar, cobra debenan di estudio y administra i tambe intercambia dato conecta cu e number di enseñansa pa ministerio di OCW.
Nota pa redaccion: pa mas informacion por acudi cerca Mr.Martijn Grimmius (vocero), via e number di telefon +31 648138522 òf via e-mail persvoorlichting@duo.nl i/òf Sra. Jericette Moniz, Colaborado di Comunicacion Rijksdienst Caribisch Nederland (RCN), via number di telefon +599 7159163 of via e-mail jericette.moniz@rijksdienstcn.com.
