(NLTimes) – No por tin cuestion di obligacion pa vacuna na trabao, segun minister di Salud di Hulanda, Hugo de Jonge a bisa ayera. Pero el a nenga di duna un veredicto riba e rekisito di vacunacion anuncia pa compania LeasePlan, bisando cu ‘mi no tin suficiente conocemento di e situacion pa esey’.
“Ley no ta permiti esey, y nos no ta bay cambia e ley pa permitie”, De Jong tocante un obligacion di vacunacion, sin menciona specificamente LeasePlan. E compania kier pa personal ta vacuna contra coronavirus na momento cu nan cuminsa traha na oficina di nobo.
De Jonge a bisa cu e ta compronde cu dunadonan di trabao kier crea un ambiente safe pa nan empleadonan. “Mi ta compronde cu tin dilema. Esey ta nifica cu nos ta drenta den discusionnan cu dunadonan di trabao y trahadonan den futuro cercano.”
E combersacionnan mester mustra ‘ki opcionnan abo tin pa crea un situacion di trabao sigur’, segun e minister demisionario. El a menciona pass di acceso di coronavirus como un posibilidad, unda un persona tambe por mustra un test negativo.
