(NLTimes) – Dunadonan di empleo ta poniendo mas importancia riba habilidadnan y experiencia mas cu diploma y experiencia den e trabao ora di entrevista hende pa trabao, agencia di beneficio UWV a haya den un encuesta haci na dunadonan di empleo.
Mirando cu e mercado di empleo Hulandes a bira mas y mas preta durante e dos añanan recien, mas o menos 70 porciento di dunadonan di empleo a yena e vacaturanan cu personanan cu no tabata cumpli cu tur e rekisitonan necesario pa e trabao. Casi tur dunado di empleo a bisa cu nan ta haya cu e ta esencial pa e persona cu aplica tin e habilidadnan corecto pa e posicion. 61 porciento tambe kier pa e personanan cu aplica tin conocemento profesional specifico.
Solamente 38 porciento ta insisti cu e personanan cu aplica mester tin experiencia relevante pa cu e trabao, y 41 porciento kier pa nan tin e diploma y certificadonan apropia.
“Nos mester hopi tempo ta tende cu dunadonan di empleo ta poniendo cada biaha mas importancia na e habilidadnan y conocemento profesional mas cu riba diploma y certificado,” UWV su consehero di mercado di labor Jena de Wit a bisa. “Si e escasez den labor continua of hasta aumenta, e dunadonan di trabao cada biaha lo ahusta e rekisitonan pa trabao. E lo bira mas y mas dificil pa haya candidatonan cu lo cumpli completamente of parcialmente cu e rekisitonan pa e posicion.” Dunadonan di empleo a lucha pa yena mas cu mita di e vacaturanan durante e ultimo 2 añanan.
95 porciento di e dunadonan di empleo a usa e escusa di siña den e luga di empleo pa yuda candidatonan cu no tabata cumpli cu e rekisito di experiencia of cu no tabatin e diploma pa ser a conoci cu e trabao. 53 porciento di e dunadonan di empleo tambe ta laga e empleadonan nobo sigui cursonan y training pa adkiri e conocemento y habilidadnan necesario pa e trabao. 21 porciento a bisa cu nan a ahusta e pakete di trabao pa asina nan por logra contrata un persona pa e posicion.
