.JPG "Serlimar LC (2).JPG")
– Lionel Croes vocero di Serlimar ta informa cu empleadonan di Serlimar lo bay trabou bek awe, 7 di december. Parkietenbos ya caba a habri su portanan, pa asina continua brinda servicio na publico y tur su clientenan. Tambe lo cuminsa recoge sushi.
Gobierno a bay di acuerdo cu e puntonan proponi pa empleadonan di Serlimar y tambe sindicato Seppa. A tene consideracion cu e puntonan aki y a firma un decreto ministerial. Locual Bon Dia Aruba a compronde e palabracion di gobierno haci na habitantenan di Parkietenbos pa cera dump januari otro aña ta bay ta otro. Poco poco lo baha e actividad di dump y asina lo busca un otro solucion. E transportacion di sushi afo den man di Ecogas/Ecotech tampoco lo continua por lo pronto. Aworaki lo continua cu e proceso di negociacion te ora cu tin mas claridad riba esaki.
Un otro punto ta cu gobierno a priminti cu lo percura pa Serlimar sigui den operacion y keda responsabel pa recogemento di sushi. Un otro punto ta, cual ta un proposicion di parti empleadonan di sindicato, gobierno tambe lo sinta cu directiva di Serlimar pa discuti e plan en cuanto e operacion Parkietenbos landfill. Pues kico e futuro ta di e dump y e plan pa e sushi bay Ecogas/Ecotech entre otro pa traha gas.
Kico esaki ta nifica pa e habitantenan di Parkietenbos cu pa añanan largo ta keha di e molester di e dump na Parkietenbos y consecuencianan pa nan salud, esaki no ta conoci. Un grupo a entrega un carta recientemente unda a pone gobierno responsabel pa cualkier daño na nan salud.
.JPG&description=Dump+lo+no+cera+por+lo+pronto){kind=link}