E trabou di mudamento di e waf di Playa pa Barcadera a drenta den su fase final. Tambe tur proceso ta tumando luga riba waf di Barcadera pa ricibi e prome barco di carga y descarga nan cu e grua di container cu a wordo instala nobo.
Den e proceso aki DOW y otro departamento ta envolvi den e echo historico pa loke ta trata e desaroyo di nos pais. Di otro banda, Bon Dia Aruba tuma contacto cu director, sr. Dominico Werleman pa haya sa di ki manera e departamento aki ta envolvi den e mudamento aki.
E participacion di DTI ta mas tecnico. Sr. Werleman a laga sa cu DTI tin cu keur e grua di container cu tin riba tereno di waf di Barcadera. “Nos tin di haber cu e parti di e keurmento di e grua cu tin eynan ariba”, el a bisa.
