Diaranson mainta e personal di DTI a bay inspecciona e trabounan andando na Nicolaas Store.
Durante e control a constata diferente cos cu no tabata corecto na pia di trabou. P’esey mes a bay over na para e trabou mesora.
E problema a surgi pasobra e personal di DTI a tuma nota cu esunnan trahando no tabata tin sapato cu hero. “Safety shoes “ta un exigencia. Tabata tin trahado cu keds na pia y te hasta slof. No tabata traha cu helm riba cabes.
Tin trahado cu no a aprecia cu a stop e trabounan. Pa motibo cu e comunicacion no tabata asina bon a pone cu un trahado den e construccion a cuminsa grita y expresa su mes cu palabranan masha mahos.
Finalmente a busca contacto cu e hefe encarga y a mustra su persona riba cierto puntonan cu ta necesario pa e area di siguridad. Parce diahuebs e trabou lo sigui ora tur trahado cumpli cu e exigencia di siguridad.
