Dienst Technische Inspecties (DTI) a anuncia cu den ‘normal nobo’, departamento di Inspeccion di Siguridad (afdeling Veiligheidsinspectie) lo sigui cu inspeccion y control riba proyectonan di construccion.
Pa asina por garantisa, DTI a informa den su pagina di Facebook cu departamento afdeling Veiligheidsinspectie en Onderzoek (VI&O) ta mira primordialmente e siguridad di e trahado na pia di trabou.
Di esaki, nan a duna di conoce cu despues di bishita algun sitio na unda construccion ta tumando luga, hopi biaha e compania of trahado no ta cumpli cu tur e reglanan di siguridad cu ta existi. Di esaki nan a publica conseho y observacion pa tur trahado of compania cu a cuminsa bek den construccion tuma na cuenta lo siguiente:
Algun peliger pa tene cuenta cune durante un construccion ta:
1. Trabou di haltura.
2. Mashin cu ta draai.
3. Coriente.
4. Material cu por cay of sali bula.
5. No haci uso di proteccion personal (PPE’s).
Uso di proteccion personal (PPE’s):
a) den construccion mester bisti un veiligheidshelm/safetyhelm.
b) no ta permiti pa usa un ‘bumb caps’ manera un veiligheidshelm (‘hard hat’) den construccion.
c) mester bisti sapato di siguridad prome cu drenta den construccion (safety shoes).
d) mester usa e proteccion adecua pa cada trabou.
e) na entrada di construccion mester tin e regla nan di siguridad y e proteccion nan cu tur trahado mester usa.
Di mesun manera, nan a trece dilanti cu lo tin un periodo di gracia te cu fin di juni 2020 pa esunnan cu tabata tin afspraak di keur of herkeuring desde e periodo di 17 maart 2020 te cu 29 mei 2020 lo por haya un fecha nobo. Esunnan cu acudi despues di 1 juli 2020 lo mester paga di nobo.
Personanan cu a ricibi nan datonan di afspraak pa keur tin cu presenta ariba e fecha y orario duna. Lo mester drenta na e banda di voertuigkeuringshal cu ta porta nr.3 pa entrega e documentonan.
