Siña stima sin bira di mas, siña ta cu un persona sin mete den su espacio, y biba cu un hende sin depende di otro. Tres punto fundamental di e problema di attachment (apego ).

Hopi biaha nos ta Puntra nos mes si nos ta biba den un mundo ideal, ken ta di nos banda, y ken no, y hopi biaha esunnan cu ta biba banda di nos ta stima nos, ta relaciona su mes cu otronan na su manera, un comportacion complica!

Con nos por kibra e patronan aki?

Kibra e patron aki pa nos logra pa nos pareha stima nos manera nos ta stima nan ta hopi complica, p’esey hopi relacion ta yega na un punto di inflexion ( cu ta mester wordo analisa y hasta kibra), si nos mester acepta e tipo di relacion ey, of nos kier ta na distancia. Manera semper mi ta bisa tur hende bo tin bo escogencia di dicidi na unda abo kier ta.

E forma di apego aki, di un relacion di pareha ta wordo crea di cuminsamento di infancia, esey ta un afecto cu ta bin di chikito, di e persona cu ta cuida nos manera nos mayornan, e figura di attachment (apego) ta e mayornan, na unda e ta wordo influencia den nan desaroyo emocional di e persona cu ta crea un attach.

Di nan nos ta siña e lenguahe di intimidad cu nos lo usa cu nos yiunan of nos relacionnan di pareha , p’esey e satisfaccion of insatisfaccion, di nos necesidad di siguridad di e afecto, ta e atencion cu nos haya, ta sali na e ora con nan tabata cuida nos na chikito y esaki lo determina con lo nos satisface e necesidad di nos na edad adulto.

Pa nos desaroya un estilo di attachment sigur ta hopi necesario pa mayornan mester demostra e atencion di cuido di nan baby na e momento cu nan nace, y tambe nan lo mester ta capaz di comprende nan necesidadnan, y por satisface esaki, sin bira di mas, y tampoco cay den e factor di no tin e preocupacion dimas.

Mester traha den un manera receptivo y disponibel cu amor calido y afecto, cu consenshi cu mester cuida nan yiu pero tambe asumi su responsabilidad como mayor. Asumiendo e papel di cuidado y facilitado lagando e Yiu liber cu mester desaroya, y haya su papel den e mundo aki. Ora esaki pasa lo por tin un efecto mas positivo den e persona aki ora e crece.

Ora un mayor eherce e parti aki, e muchanan aki ta bira cu autonomia y sigur di nan mes, nan ta persona cu lo wordo considera un appel completo, nan no mester busca otro pa nan sinti nan mes miho, sino stima nan mes y por ta autonomo.

Nan sa selecciona persona cu ta compone nan circulo di un manera corecto di nan confianza, nan por identifica personanan toxico y e relacionnan interpersonal, pa aleha su mes por construi, un relacion, di desaroyo, y selectivo na su escogencia.

Nan ta desaroya relacionnan mas satisfactorio, e persona nan aki ta capaz, di compromete na mes na relacionnan cu ta wordo estableci, mustrando mas confianza, y apoyo, na unda ambos ta sinti nan mes cu satisfaccion.

Nan tin idea realista riba locual ta amor, e persona nan aki no tin un vision di cu a amor ta di colo sino di realidad, nan ta consciente cu ta un compromiso, y trabao duro pa ambos parti, y nan ta pensa cu tambe por biba sin pareha di un manera satisfactorio.