(AP)—Mientras tropanan Ruso ta sigui cu un intento pa captura e pueblo di Avdiivka den Oost Ucrania, AP a obtene imagennan aereo cu ta duna un indicacion di nan perdidanan.
Un drone militar Ucraniano cerca di Stepove, un pueblo panort di Avdiivka, unda algun di e batayanan mas intenso a tuma luga, a captura e imagennan e luna aki. Esaki ta mustra un escena apocaliptico: den dos clip separa, e cadavernan di aproximadamente 150 soldaat—mayoria di nan bisti den uniform Ruso—ta drumi separa cerca di matanan cu nan a uza pa cubri nan mes. E pueblo mes a ser reduci pa nada. Rijnan di mata cu tabata separa veldnan di campo a ser kima of completamente destrui. E veldnan ta yena cu proyectiles di artileria y granatnan cu a cay riba e sitio. E unit di drone a bisa cu ta posibel cu algun di e cadavernan den e sitio ta soldaatnan Ucraniano.
E imagennan a ser provee pa AP di parti e unit BUAR di Ucrania di e di 110 Brigada Mecanisa, envolvi den e bringamento den e area. E unit bisa cu e imagennan a ser captura dia 6 di december entre Stepove y cerca di e caminda di rail y hopi e cadavernan ta eynan pa varios siman caba.
Forsanan Ruso a lansa un ofensa na Avdiivka na october. Aunke nan a haya algun victoria, analistanan den west a bisa cu e empuhe a resulta den miles di damnificado.
