Rebelde aliado di Iran na Yemen a bisa cu nan ataca un aeropuerto y un base militar carga cu bom, un asalto conoci pa nan, durante tension den medio oriente entre Tehran y Merca.
No tin reporte si tin algun daño of herido. E atake a produci despues cu Iran a anuncia cu lo subi pa 4 biaha mas, e capacidad di produccion di enrekicemento di uranio, un aña despues cu Merca a retira di acuerdo nuclear.
Presidente di Iran, Hassan Rouhani, ta busca expande su poder ehecutivo pa enfrenta miho e ‘guera economico’, provoca pa e renobacion di sancion dirigi na e republica Islamico di parti di Merca.
Pa aumento di produccion, Iran lo supera e limitacion estableci pa e acuerdo nuclear. Tehran a pone un fecha limite di 7 di juli, pa asina Europa pone termino nobo pa un acuerdo, de lo contrario, lo enrikece uranio na nivel mas cerca di arma, na un medio oriente cu ta na borde di collapse.
Un declaracion anterior di agencia di prensa di Saudi Arabia ta bisa cu e rebeldenan Houthi den e area ta intenta ataca un luga civil na Najran, sin duna mas detaye. Coronel Turki al- Maliki ta adverti cu lo tin ‘disuacion fuerte’ pa atakenan asina y a describi e Houthis como e ‘milicianan terorista di Iran’.
Aeropuerto civil di henter medio oriente ta yena cu base militar.
Iran a bisa cu a informa e organismo internacional di energia atomico di e desaroyo. E organismo di control nuclear, cu sede na Viena, no a duna ningun comentario. Tehran pa largo a insisti cu no ta busca arma nuclear, maske West tin miedo cu e programa lo permiti e pais pa construi arma.
