Venezuela ta bibando un crisis economico grave y muchanan mas hoben ta e grupo di poblacion mas vulnerabel.
E ultimo cifranan cu a ser publica pa ministerio di Salud di Venezuela ta mustra cu indice di “mortalidad infantil” ta aumenta. Caritas, ta un organisacion no gubernamental cu a detecta un nivel hopi halto di desnutricion infantil na provincia di Miranda,Vargas, Zulia y Distrito Capital. Na Valles del Tuy, localidad situa na estado Miranda, e mama di Germanin ta bisa cu e no sa con e por yuda su yiu, cu tin mita di e peso cu e mester tin, na 11 aña di edad.
E wela di Agnely tin un sentimento similar, pasobra su nieta tin 7 aña y tin un peso di 18 kilo. Agnely ta come un of dos biaha pa dia solamente. E hende adulto ta sufri di hamber tambe.
E falta severo di cuminda y un inflacion di 700% ta pusha dia pa dia e pueblo di Venezuela pa bay busca cuminda den desperdicio di cas y empresa. “Awor haya cuminda ta hopi dificil, mi tin cu haya algun manera pa duna cuminda na mi yiu,” e muhe ta bisa riba caya na Caracas.
Vladimir Hernández, periodista, a papia cu famianan cu ta afecta pasobra nan ta malnutri, un problema cu ta molestia hopi hende na Venezuela.
