(TMZ) – Drake Bell ta aclarando tur cos tocante e caso di pone un menor den peliger cu tabatin den su contra algun aña atras y basicamente ta bisa cu e ta un caso unda mensahenan priva a cuminsa bay fout.
E celebridad conoci pa su rolnan hunga den su hubentud, tabata invitado riba diamars su episodio di e podcast Not Skinny But Not Fat” pa splica henter e situacion, e prome biaha cu e ta haci esaki profundamente y cu detaye for di su propio perspectiva. E ta interesante, mientras cu el a declara su mes culpabel e ta nenga cu el a comete algun delito.
Drake ta splica cu e tabata comunicando cu un persona online cu ken e no mester a comunica, algo cu e ta bisa el a realisa demasiado laat. Drake ta bisa na momento cu el a compronde cu e persona cu ken e tabata papiando tabata un menor di edad, el a stop di papia cu e persona aki pero e persona a cuminsa keda manda Bell mensahe, disgusta pa motibo cu el a stop di haci esaki. DB ta bisa cu e persona aki eora a haci acusacionnan falso den su contra.
Durante e curso di e investigacion largo, Drake ta bisa cu e keda cla cu e no a haci nada cu no ta coresponde na su persona, pero na final a dicidi di declara su mes culpabel, notando cu e tabata agota financieramente y emocionalmente. Drake ta admiti cu el a hinca su mes den e situacion aki cu e mester a evita completamente, pero pa loke ta trata actua di manera indebi, e ta insisti cu e no a haci esaki.
Claramente, e motibo dicon nos ta papiando tocante esaki awo ta pa motibo cu recientemente el a revela cu Brian Peck a abusa di su persona tempo cu e tabata hoben.
