(NLTimes) – Despues di casi un siman, e barco di container Ever Given a keda los di e suelo di Canal di Suez, liberando un via maritimo criticamente importante. A tow Ever Given den sur ayera, unda e lo ser inspecciona pafo di e Canal prome cu nabega na haf di Rotterdam.
“Mi ta emociona di anuncia cu nos team di experto, trahado den colaboracion cercano cu Suez Canal Authority, exitosamente a reloca Ever Given dia 29 di maart pa 15:05 ora local, haciendo asina cu ta posibel pa pasa libremente door di Canal di Suez”, segun Peter Berdowski, CEO di compania Hulandes, Boskalis. “Mi ta extremadamente orguyoso di e tremendo trabao haci pa e team na e sitio”, el a continua, mientras a elogia otro personal pa yuda crea y ehecuta e plan di draga globalmente.
Mester a kita alrededor di 30mil meter cubico di santo pa e barco por a pasa. Den total a involucra diestres tugboat den e operacion, dos di cual a bin di Boskalis. Ayera mainta, e parti patras di e barco – 400 meter di largura – ya tabata un tiki los. No tabatin mester di medidanan mas drastico manera inyecta awa na presion halto bao e barco of retira containernan pa reduci e peso.
E barco di 224mil ton inicialmente a keda pega y atrapa na cada banda di e canal diamars siman pasa, despues cu el a wordo suta pa biento fuerte. E barco asina a blokea henter e hanchura di e via maritimo Egipcio.
Normalmente, 12 porciento di productonan di comercio global riba mas di 300 barco lo pasa door di e canal diariamente. E congestion, pa e motibo aki, tabatin impacto riba henter e mercado global. Algun barco a scoge pa tuma un ruta mas largo rond di Cabo di Sur Africa pa motibo di e suceso.
