Mientras Premier Rhuggenaath cu minister Martina a firma acuerdo oficial pa acepta COHO Raad van State ta declara COHO un ley ilegal enpugna cu Statuut. Lider Politico di Causa Prome dr. Rene Rosalia a declara for di cuminsamento cu COHO ta ilegal y inaceptabel pa un gobierno cu ta respeta su mes.
COHO a resulta un berdadero acto di terorismo estatal Hulandes. Hopi entidad y politico sin dignidad propio a reacciona bisando cu no por come autonomia. A uza strategia di intimidacion insinuando cu COHO ta e unico solucion pa pais Corsou y si no acepta esaki ta cera tur cranchi.
Awe Raad van State ta declara COHO ilegal. Pero Raad van State no tabata completo, e falta un parti mas den su conseho. E no a rep niun solo palabra riba responsabilidad di Hulanda como firmante di e Carta Magno di Nacionnan Uni. E responsabilidad mayo di Hulanda ta cu e derecho y debernan hancra den Carta Magno ta superior na loke tin para den Statuut. Pues Hulanda como pais colonisado a viola Statuut y tambe Carta Magno di Nacionnan Uni. Ta obvio cu mester keda vigila e kolonialnan hambra Hulandes. E gobierno di Rutte no ta obliga na cambia nada nada di COHO. E por dicidi di sigui forsa Corsou pa sucumbi. Causa Prome ta recomenda gobierno Pisas pa no acepta COHO y pa bay mas leu y denuncia Hulanda na Nacionnan Uni y hiba nan “International Court of Justice”. Acusa nan di ta viola Carta Magno y di a blokia Corsou finansieramente bou di presion pa e sucumbi y acepta COHO. Hulanda conscientemente a blokia Corsou y a kita su poder autonomo pa fia placa riba mercado local y mercado internacional pa hiba su propio maneho financiero y economico. E blokeo ta encera cu Corsou por fia placa unicamente cerca Hulanda y niun otro caminda mas. Ni local ni internacional. Esaki ta un maniobra diabolico di e estado pirata Hulanda. Maniobranan di Hulanda hunto cu PAR y MAN pa gana Corsou riba rudia y pa caba di podera di Corsou su rikesanan y su posicion geopolitico strategico aki den Caribe. Corsou como trampolin pa comercio Hulandes specialmente den horeca, aviacion, narcotrafico y gambling digital. A resta nos e unico posicion corecto pa exigi Hulanda pa respeta ley y tratadonan internacional y pa kita man for di autonomia di Corsou. Pa soluciona e problema di pobresa y desempleo Causa Prome ta recomenda gobierno Pisas pa emiti bono riba mercado local pa yega na fondo propio pa salba Corsou. A yega e momento pa Corsou demostra cu e por para corupcion y cambia rumbo pa e salba su mes. Awor ta na e gobierno nobo di señor Gilmar Pisas pa sali dilanti pa Corsou a base di patriotismo. Amor real pa Corsou y e yiu di Corsou. E unico lucha cu bo por perde ta esun cu bo bandona. Causa Prome t’ei pa keda.
