Conoce e Herptologo, investigador y nos amigo Dr. Jeff Goessling, kende ta studiando nos lagadishi Rubiano conoci localmente como e Cododo (Cnemidophorus arubensis).
Den e potret recientemente aki por wak un Cododo femenino cu Jeff a marca na 2 juli 2019 y awo e ta e lagadishi cu a biba mas largo cu Jeff a yega di recaptura di tur e lagadishi nan cu a wordo marca caba, segun Fundacion Parke Nacional Aruba.
Ora Jeff a cuminsa cu marcamento di Cododo den e ana 2017, e no tabata tin un idea tocante e historia di Cododo su strategia pa bida. E pregunta cu e tabata tin ta: Nan ta biba pa añas, decadanan, of mas?
Jeff su investigacion ta desvelando e misterio di e Cododo: Cododo nan ta madura na e edad di 1 aña, mayoria di Cododo ta biba te na e edad di 2 aña y ta reproduci, y tiki ta biba mas largo cu e di 3 aña – lo cual ta sorprendentemente cortico ora di compara nan cu otro especie nan di desierto manera esnan cu lo por haya na Merca. Cododonan masculino ta parce cu nan tin un ana unda nan tin un color blauw y briyante local durante e aña aki, nan ta wordo comi dor di un bestia mas grandi (sea un parha of un colebra). Jeff ta indica cu apenas awo el a cuminsa rasca e superficio di e historia natural di e lagadishi fascinante aki.
E Cododo carismatico pa un gran parti ta herbivoro y fascina cu hende (frecuentemente nan ta drenta den Jeff su tas of auto pa wak su ekipo) y ta haci contacto visual y despues ta duna un señal di man ora di wak bo. Cododonan ta ecologicamente importante pa Aruba pa motibo cu nan ta e base principal di cuminda pa e especienan endemico di Aruba, manera e Cascabel (Crotalus unicolor) y otro parha nan endemico manera Shoco y Warawara.
