Ayera riba su rednan social, Departamento di Obra Publico, DOW a informa cu un trabao cu tabata planea pa cuminsa ayera dialuna 24 di maart, a keda posponi pa cuminsa awe, diamars 25 di maart.
“Pa motibonan imprevisto, e trabounan di kibra y renoba e verkeersplateau” a keda posponi, DOW a informa. E departamento a agrega cu e trabao ta bay tuma lugar di 5or di mainta te 1or di merdia.
“Nos lo bay cera e caminda di J.E. Irausquin Blvd pa kibra y reconstrui e verkeersplateau dilanti Hyatt Regency Aruba Resort Spa & Casino Hotel,” DOW a bisa, agregando cu e trabao lo dura dos dia.
Ruta di desviacion lo keda indica cu borchi y baricada di aviso.
