Departamento di Recurso Humano di DOW a cuminsa un investigacion riba un empleado publico.
Ayera 4 di September 2019 autoridad a aresta un empleado publico pa motibo cu e ta sospecha di a comete actonan inmoral. Segun un comunicado di prensa di DOW, a cuminsa cu un investigacion disciplinario inmediatamente den margen di LMA riba e sucedido, y ‘ta sali di punto di bista cu tur nos empleadonan ta cumpli semper cu nos regla, norma y balornan stipula den nos reglamento interno’.
“Segun e investigacion di OM ta desaroya, nos como organisacion tambe lo sigui tuma e pasonan necesario contra e persona aki pa salvaguardia e integridad di nos organisacion y bienestar di tur colega”, segun e comunicado ta finalisa.
