E falta di likides di gobierno pa atende cu funcionamento di pais Aruba ta haci cu mester bin cu prioridad riba cerca proyectonan infrastructura. Esey ta loke departamento di Obra Publico (DOW) ta bin realisando ultimo tempo.
Director di DOW, ing. Marlon Croes a declara na Bon Dia Aruba cu nan a bin cu cierto prioridad riba inversion tocante trabou di mantencion pa consecuencia di e crisis di coronavirus. DOW ta concentra riba dos aspecto: Un di nan ta e mesun crisis cu ta limita nan presupuesto pa realisa cierto trabao. Sinembargo nan ta trahando riba e parti infrastructural specialmente den e temporada aki cu nos ta bin hayando hopi yobida riba nos isla.
E trabao cu nan ta bin realisando ta: Mantene e camindanan di santo y tambe yena e buraconan den e camindanan di asfalt pa e camindanan aki por keda accesibel pa e temporada di fiesta di Pasco y Fin di Aña.
Otro trabou cu personal di DOW ta bin realisando ta esun di mitiga e problema di awa. Ing. Croes a yega di informa por ehempel cu esaki tambe nan ta bin haciendo den e bario di San Miguel pa mantene e nivel di fluho di cantidad di awa cu ta desemboca na Bubali Plas.
Tambe nan ta atendiendo cu cortamento di mata. Nan ta mira cu aworaki nan ta corta mata y yerba, pero cu e awa cu ta cay, nan ta crece masha lihe mes. “Nos frecuencia di mantencion di corta mata tin cu subi tambe,” el a declara.
