ORANJESTAD – Manera ta conoci desde aña pasa, e departamento di obra publico, DOW tabata haci trabounan di asfalt den tur e districtonan di Aruba. Na mesun momento, nan a realisa un conferencia di prensa pa ofrece informacion tocante e plannan di e fechanan cu algun trabounan lo tuma luga den dianan ey.
Ayera durante un conferencia di prensa di DOW, Bon Dia Aruba a puntra Marlon Croes, director di DOW, ki dia lo cuminsa basha asfalt na e camindanan cu te ainda e comunidad ta wardando pa drecha den nan bario. E contesta di Croes precisamente no tabata esunnan mas espera, loke el a contesta tabata: “Esey no tabata e topico di e conferencia ey”, caminda cu e momento di update di proyecto di Watty Vos Boulevard tabata tuma luga.
Comunidad ainda ta wardando pa e departamentonan concerni reanuda e trabounan di basha asfalt na algun cayanan di Aruba, y asina mehora e aspecto di algun di nan cu ta den area turistico. Asina tambe e economia di e ciudadano cu ta afecta pa via di e buraconan of caminda di tera, cu ta daña nan auto.
