(NLTimes) – Autoridadnan a resta dos sospechoso mas pa nan rol den e asesinato di reportero Peter R. de Vries na Amsterdam den juli di aña pasa, segun Ministerio Publico (OM) a bisa diamars.
E sospechosonan a ser aresta na Spaña y Corsou riba dialuna.
Ambos sospechoso ta Hulandes y masculino, OM a bisa. Esun aresta na Corsou tabatin 27 aña y lo ser extradita pa Hulanda pronto. E persona aresta na Spaña ta di 26 aña di edad. OM a pidi su extradicion sinembargo e proceso lo tuma algun siman.
Segun Het Parool e dos sospechoso nobo a graba e tiro fatal na de Vries y a publica esaki riba rednan social inmediatamente despues cu el a pasa.
Fuentenan a conta De Telegraaf cu cuerpo policial y OM ta kere nan ta yegando na henter e “cadena” den de Vries su asesinato, desde e personanan cu a comete esaki na e personanan cu a ordena e asesinato.
De Vries a ser asesina na Lange Leidsedwarsstraat na Amsterdam dia 6 di juli aña pasa. Dentro di un ora, cuerpo policial a aresta e sospechoso Delano G. y e chauffeur di escape Kamil E. OM recientemente a pidi un sentencia de por vida contra di ambos sospechoso.
Riba dialuna, cuerpo policial a aresta Krystian M. como e tercer sospechoso, E ta sospechoso di a orkestra De Vries su asesinato, mandando E. y G. mensahenan codifica. M. ya caba tabata den custodia pa su rol den otro asesinatonan na Zeewolde.
De Telegraaf a reporta cu un di 4 sospechoso a ser aresta riba dialuna, aunke OM no a confirma su aresto te ainda.
