![Writers ChatGPT Copyright](https://www.bondia.com/wp-content/uploads/2024/07/Dos-reportero-a-purba-ChatGPT-y-despues-a-demanda-pa-robo-di-nan-trabao2_result-696x464.jpg)
(AP) – Ora cu dos amigo yama Nick a descubri cu ChatGPT por ta horta y reusando nan trabao, nan a pidi un abogado demanda e companianan tras di e chatbot di inteligencia artificial.
Reporteronan veterano Nicholas Gage di 84 aña y Niholas Basbanes di 81 a dedica decada na reporta, skirbi y edita buki.
Gage a conta e storia tragico di su famia y e buskeda pa e berdad tocante e fayecimento di su mama den un memoir cu a haci cu John Malkovich a interpreta su persona den e pelicula di 1985 “Eleni.” Basbanes a transiciona su habilidadnan como reportero di corant diario den skirbi bukinan ampliamente lesa tocante cultura literario.
Basbanes tabata e prome di e duo cu a purba e chatbotnan, hayando nan impresionante pero tambe mirando hopi falta di atribucion y falsedad. E amigonan a entrega nan demanda anteriormente e aña aki, buscando representa un grupo di escritor kendenan su trabao proteha a ser “sistematicamente horta” pa OpenAI y su partner den negoshi Microsoft.
“E ta manera un robo,” Gage a bisa den un entrevista. “E ta,” Basbanes a agrega. “Nos a traha demasiado duro riba e escrituranan aki.”
Awo nan demanda a converti den un caso hopi mas grandi cu ta buscando status di accion klassikaal lidera pa nombernan manera John Grisham, Jodi Picoult y novelista di “Game of Thrones” Goerge R. R. Martin y procediendo bao e mesun hues federal di New York cu ta atendiendo casonan di copyrigth for di outlet manera The New York Times, Chicago Tribune y Mother Jones.
Loke ta conecta tur e casonan ta e acusacion cu OpenAI, cu e ayudo di Microsoft su placa y poder den computer, a ingeri un gran cantidad di escrituranan crea pa ser humano pa “train” e chatbot y produci texto cu ta similar na esnan skirbi pa ser humano pero sin e permiso ni tampoco compensacion pa e personanan cu a skirbi e trabao original.
“Si nan por hay’e gratuitamente, pakico nan lo paga p’e?” Gage a declara. “E ta sumamente inhusto y hopi dañino na e mundo di escritor y autornan.”
OpenAI y Microsoft no a duna comentario ni a contesta preguntanan e siman aki pero si ta luchando contra e acusacionnan aki den corte y den publico. Di mesun manera cu otro companianan di AI cu ta enfrentando desafionan legal no solamente di parti di autornan sino tambbe di musiconan, artistanan visual y otro creadornan cu ta acusa cu AI ta crea riba robo di nan trabao.