Partido di oposicion Bandera Roja (BR) y Movimiento Progresista di Venezuela (MPV) a drenta lista di partido politico cu ta rechasa participa den eleccion di alcalde, cu lo celebra na luna di december.
Simón Calzadilla, secretario general di MPV a afirma cu e partido aki no lo presenta candidato pa eleccion municipal “pa e condicionnan adverso cu tin na Venezuela awor,” e comunicado di e partido a bisa.
“Violacion sistematico di normanan electoral ta impedi avansa den e obhetivonan cu nos tabatin planea,” asina e diputado ta señala. El a acusa e Chavistanan di impone condicion advreso, cu miras riba un eleccion asina compleho”, den cual lo elegi mas di 300 alcalde.
MPV a sigura cu 6 di 8 partido cu ta forma e comite politico di e aliansa opositor Mesa di Unidad a mustra nan rechaso pa participa den e eleccion aki, te ora cu Conseho Nacional Electoral (CNE) lo keda reforma. Oposicion ta acusa CNE di fraude den eleccion di gobernador, cu a tuma lugar dia 15 di october ultimo, caminda Chavismo a haya 18 di e 23 gobernacionnan.
