For di awe ex Parlamentario Marisol Lopez- Tromp ta bin forma parti di gabinete Wever-Croes, como minister Asunto di Desaroyo Teritorial di Infrastructura y Medio Ambiente.
Ayera a tuma luga un reunion di comision den Parlamento, caminda nan a expresa nan deseo pa loke ta e nombramento y huramentacion di Lopez-Tromp den e cartera aki. Despues di permanece 10 aña como parlamentario, Lopez-Tromp ta bolbe ocupa un funcion como minister.
Igualmente ayera dos miembro nobo di Parlamento a huramenta dilanti Gobernador di Aruba, Sr. Alfonso Boekhoudt. Ta trata di Dellanire Maduro kende ta asumi e asiento cu Lopez-Tromp a laga den e fraccion di POR. Tambe parlamentario Maduro ta asumi e responsabilidad di ta lider di e fraccion di POR. Mientras cu fraccion di MEP a haya un miembro nobo den nomber di Darlaine Guedez Erasmus kende a asumi e asiento cu Luigi Bergen a entrega pa atende su asunto personal y familiar.
