(CuraçaoChronicle) – Gabinete Hulandes ta poniendo dos miyon euro disponible pa organisacion di actividadnan durante e aña conmemorativo di sclavitud. Institucionnan mas grandi como tambe iniciativanan local of individuonan por aplica pa un presupuesto pa organisa actividadnan social y/of cultural.
E implementacion ta tuma lugar mediante dos fondo cultural: Mondriaan Fonds y e Fondo di Participacion Cultural.
For di 1 di juli di proximo aña te 1 di juli di 2024 ta bay duna atencion adicional na e historia di sclavitud den Reino Hulandes. Gobierno di Reino ta sostene iniciativanan den colaboracion cu e varios grupo y comunidadnan relaciona cu pasado di sclavitud.
Iniciadornan, manera museo, teatro y archivonan, pero tambe iniciadornan priva manera artista, creativo y organisadornan por entrega un aplicacion pa ricibi fondo pa organisacion di un actividad durante e Aña di Recuerdo (Herdenkingsjaar).
Mondriaan Fonds y Fondo di Participacion Cultural ta evalua e aplicacionnan independientemente a traves di un comite di evaluacion representativo cu conocemento di e pasado di sclavitud y e comunidadnan involucra.
Cualkier persona den Reino cu kier organisa un actividad den e Aña di Recuerdo por aplica. Informacion riba esaki ta disponible riba website di Mondriaan Fonds www.mondriaanfonds.nl/actueel/nieuws of Fondo di Participacion Cultural cultuurparticipatie.nl/herdenkingsjaar-info.
