(AP) – Dos miembro di NATO a bisa diadomingo cu drone Ruso a viola nan espacio aereo, pa motibo cu 1 a bula drenta Romania durante atakenan den oranan di anochi contra bisiña Ucrania mientras otro a accidenta na Latvia e dia anterior.
Un drone a drenta teritorio di Romania diadomingo trempan mientras cu Moscu a golpia “victimanan civil y infrastructura na waf” na Danube, Ucrania, segun Romania su Ministerio di Defensa Nacional a reporta. El a agrega cu Bucharest a desplega avionnan F-16 pa monitor su espacio aereo y a emiti alertanan via mensahen a residentenan di dos region na parti oriental.
Tambe el a bisa cu investigacionnan ta na caminda di un posibel “zona di impacto” den un zona no habita na e frontera di Romania cu Ucrania. No tabatin rapport inmediato di ningun daño ni morto of herido.
Mas adelante riba diadomingo, Latvia su Minister di Defensa Andris Spruds a bisa cu drone Ruso a cay e dia prome na e pueblo di Rezekne, y posiblemente a drenta Latnia for di Belarus. Rezekne, cas di alrededor di 25,000 persona, ta 55 kilometer west di Rusia y alrededor di 75 kilometer ley di Belarus, e Kremlin su aliado cercano y dependiente.
Mientras cu e entrada na espacio aereo di Latvia ta un incidente poco comun, Romania a confirma fragmento di drone den su teritorio den varios ocasion desde cu Rusia a invadi Ucrania den februari di 2022, cu e incidente mas recien juli di e aña aki.
Mircea Geoana, NATO su Secretario General dpitado cu ta saliendo y Romania su ex diplomatico top a bisa diadomingo mainta cu e aliansa militar a condena Rusia su violacion di espacio aereo na Romania. “Mientras cu nos no tin informacion indicando un atake intencional di parti di aliadonan di Rusia, e actonan aki ta iresponsabel y potencialmente peligroso,” el a skirbi riba X/
Latvia su ehercito riba diadomingo a bisa cu no tabatin indicacion cu Moscu of Minsk intencionalmente a manda drone den e pais. Den un declaracion publico, e ehercito a bisa cu el a identifica e sitio unda e caida a sosde y cu un investigacion ta andando.
Spruds, e Minister di Defensa di Latvia, a busca baha e nivel di significancia di e incidente cu drone.
“Mi por confirma cu no tin victima aki y tampoco ningun propiedad a sufri daño,” Minister di Defensa Andris Spruds a conta Latvian Radio a bisa riba diadomingo, agregando cu cualkier riesgo den e evento tabata inmediatamente elimina: “Claramente, e ta un incidente serio, mirando cu esaki un biaha mas ta un recordatorio di ki tipo di paisnan ta nos bisiña.”
