Dialuna prome cu 7or di mainta ta drenta e informacion cu dos trahado di Tropicana Casino a wordo atraca. Ta papia di un suma di algun mil dollar.
E prome informacionnan ta indica cu e trahadonan aki tabata canando pa bay direccion casino y un Hyundai shinishi cu dos homber cara tapa a para banda di nan. E homber nan cara tapa cu arma di candela den nan man y a exigi e trahadonan e botin di placa.
Un rato despues autoridad ta wordo informa cu na e veld di Bubali tin un auto na candela. Patruya di Noord ta yega y topa cu un Hyundai na candela, cual lo ta procedente di e atraco.
Polis ta pidi cualkier persona cu por a wak movecion straño na e momento ey pa yama 11141 tipline di Polis.
