Dialuna prome cu 11 or di anochi dos homber color scur a drenta Peking restaurant na San Nicolas cu arma di candela y e chines ora a mira esaki a core bay patras sconde. E atracadornan a bula e bay dilanti unda e cash register ta pa habri e caha di placa pero no a logra habri e caha pa bay cu placa. E atracadornan man bashi a bandona e sitio. Tabatin testigo den e bar cu a presencia e atraco y no a move pa nada pasa cu nan y a informa autoridad ambos atracado tabatin arma den nan man. Polis a presenta na e sitio basta lihe pa busca informe y notifica recherche di atraco team pa sigui cu e caso.
