Ayera, Departamento di Salubridad Publico DVG a publica e resumen di e siman epidemiologico di 24 pa 30 di juli 2022. Den esaki a registra dos fayecido pa e malesa.
E resumen di DVG ta indica cu 223 persona a recupera di e malesa causa pa e virus SARS-CoV-2, mientras a registra 197 caso nobo.
Cu e dos fayecido registra durante e siman, e cifra di morto cu Covid ta aumenta na un total di 226 fayecido.
E cantidad di caso activo di Covid-19 registra ayera tabata 223.
Datonan di DVG ta ilustra casonan positivo di Covid-19 cu un averahe semanal di 18 caso positivo pa dia, y un averahe di tasa di positividad semanal di 52 porciento.
Un total di cinco persona a keda interna den hospital pa ricibi tratamento adicional pa Covid durante e ultimo siman. Di esakinan, 3 tabata hospitalisa riba piso general mientras dos tabata den Unidad di Cuido Intensivo, ICU.
