Pa medio di un relato Cuerpo Policial ta informa cu diamars pa 10:35 di mainta central di polis ta haya un jamada cu lo a wak un curpa sin bida na baby beach na altura di ex Nanki.
Na jegada di patrouille a topa cu e persona cu a yama. El a conta cu dos turista lo a acerc’e y bis’e cu nan a wak u curpa ta drief. Polis a cuminsa cu un buskeda hunto cu personal di Kustwacht.
Despues di un rato personal di kustwacht a drenta awa pa wak si por topa cu e curpa. Pa 13:00 ta bin haya un curpa sin bida patras di ex Nanki. Pa 13:10 ta haya un melding via Kustwacht cu nan helicopter a bin wak un otro curpa ta drief banda di e rif na Rodgers Beach.
Na e momento eynan tabata tin personal di marine ta train y na unda nan juda saca e curpa pone riba rif. Kustwacht a yega na e rif y a pone e curpa sin bida den nan boto y trec’e na e pier di ex Nanki.
Pa 14:45 dokter Texiere ta constata morto di e prome curpa sin bida di un hende homber inicial A.R.C. nacionalodad Venezolano y pa 14:50 sr. Texiere ta constata morto di e di dos curpa haya sin bida.
Ta trata di un hende homber tambe pero no a haya identificacion riba dje. E curpanan a wordo tuma den beslag. E caso aki ta bao investigacion.
Personal di Bureau Forensisch en Technische Onderzoek, recherche y slachtofferhulp a presenta na e sitio di e sucedido. Cuerpo Policial ta duna un danki na personal di brandweer y kustwacht cu a juda te na final.
