Dos barco cu crudo confisca. Citgo Aruba den corte pa bringa Conoco Phillips

Citgo Aruba ta den corte awor pa bringa e compania petrolero Conoco Phillips cu a confisca dos boto di crudo.

Esaki gobierno ta informa. Refineria di Aruba a informa prome minister ayera cu a confisca e dos barconan cu ta bin di PdVSA. Pero Citgo Aruba ta bisa cu e crudo ta di Citgo. “Nan ta den corte pa mustra cu e producto no ta di PdVSA sino di Citgo”, asina e prome minister Evelyn Wever-Croes ta informa den un anuncio un rato pasa.

“Segun Citgo nan ta cumpra crudo via un sistema cu asina cu eta riba e barco, e no ta propiedad  mas di PdVSA”, segun e prome minister.

Ayera prome minister a indica cu nan ta preocupa pa mas claim nobo den futuro. Ayera el a bisa ainda cu Aruba a scapa como cu Conoco Phillips no a confisca nada aki, manera ta e caso na Boneiro, Corsou y Statia.