Cuerpo Policial Aruba a informa tocante e caso penal den cual tin 2 agente policial envolvi. E caso aki ta relaciona cu un keho di maltrato cu a wordo entrega contra di e 2 agentenan aki.
E maltrato a tuma luga durante un asistencia despues di Carnaval, caminda e agentenan masculino a maltrata un persona. Consecuentemente ambulance mester a transporta e victima pa hospital, caminda el a keda interna. Cuerpo Policial no a duna mucho detaye di e caso aki, pasobra e investigacion ta andando. Sindicato di polis SPA a tene un reunion pa asina informa coleganan pasobra tabatin cierto inkietud bou di nan miembronan. Sinembargo nan mes no por a duna mucho mas detaye como cu e investigacion penal ta andando.
