Y suprimi e sistema di presupuesto di conveniencia

Den e doorlichitng rapport di educacion, e grupo di trabao encarga cu e investigacion den e sector di enseñansa ta indica con e recomendacionnan cu nan a sugeri por ser elabora y implementa di un bon manera. Tambe nan ta vincula esaki cu plan- y recomendacionnan anterior y actual.

E analisis di e grupo di trabao di e problemanan den e capitulo di fortalecemento di e sistema di educacion ta mustra cu tin deficiencia structural den e sistema dentro di cual educacion ta funciona. Sinembargo, nan ta indica, ta hopi importante cu e contexto den cual educacion ta tuma luga, e condicionnan bao di cual educacion por prospera miho, ta na ordo. Pa un miho precision di e recomendacionnan di e sistema – recomendacion 9 te cu 13 – e grupo di trabao a desaroya un plan di accion pa e siguiente temanan: Financiamento (incluyendo supervision), gobernacion y legislacion. Den e edicion aki nos ta elabora ariba e tema di financiamento.

Pa loke ta trata recomendacion number 10, ‘Organisa un sistema di financiamento eficiente, eficaz y transparente’, nan a enfoca den e sistema di financiamento y rindimento di cuenta. E sistema di financiamento manera cu e grupo di trabao a hay’e durante su investigacion ta conduci na ineficiencia den e procesonan y e tumamento di decisionnan. Pa motibo di e analisis di e problemanan, ta nan recomendacion pa realisa un evaluacion y actualisacion di e sistema actual di financiamento y suprimi e sistema di presupuesto di conveniencia. Ademas mester haci cu evaluacion di parti di un contador ta legalmente obligatorio y garantisa asina e puntualidad y integridad di e presentacion di e rindimento di cuenta por escrito. Segun e grupo di trabao ta indica, ya caba a tuma algun decision pa optimisa e sistema di financiamento di educacion, por lo tanto esaki ta ser considera como un condicion importante pa un direccion mas specifico y eficiente.

E sistema di presupuesto di conveniencia ya no ta bay wordo usa y a ser elimina desde e prespuesto di 2023. Esaki lo duna como resultado un model di financiamento mas simpel. Aworaki ta bay sigui e ordenansanan vigente pa financiamento. E ambicion, e grupo di trabao ta splica, ta pa traha cu un formato standard cu ta cla y facil di compronde y cu por facilita e realisacion di comparacion. E financiamento ta bay ta basa riba e cantidad di alumno y e cantidad di klasnan. P’esey nan ta recomenda, den liña cu e cambionan ya caba inicia, pa cambia pa un model di presupuesto y financiamento simpel y no inclui demasiado detaye.

Un simplificacion di e sistema di financiamento ta duna luga na un libertad mas grandi di gasto pa e directivanan escolar. P’esey e grupo di trabao ta remarca ta importante comunica bon e cambionan na e directivanan escolar. E mesun sistema di financiamento ta bay ser usa den futuro pa e scolnan publico.

Actualmente no ta cla ki tempo ta bay actualisa y ahusta e sistema di financiamento y ki tempo ta bay introduci realmente un model di financiamento mas simpel. E ordenansanan nacional tocante educacion tambe ta bay tin ahuste pa cu esaki. Tin un proceso pa modifica e ley, pero ainda no ta cla den cual punto exactamente y dentro di ki periodo. Ta calcula cu ta bay tin mester entre dos pa tres aña prome cu por establece un model di financiamento completamente nobo.

E grupo di trabao ta indica cu actualmente DUOS ta recopilando e informacion necesario pa por haci operativo un model nobo di financiamento. E ambicion cu nan tin ta pa haci esaki den dos pa tres aña y despues di 2025 implementa un model di financiamento nobo.

Evaluacion periodico di e aspectonan di financiamento.

E ley ta faborece cu e sumanan standard mester wordo actualisa cada tres aña, pero segun e grupo di trabao ta menciona, esaki no ta e caso for di hopi tempo. E sumanan standard di e base di inflacion di aña 2011 a keda registra apenas recientemente, pero e ahustenan a wordo introduci durante varios aña. Tambe mester realisa e registracion di 2012-2022.

Supervision di rindimento di cuenta
 Nan ta enfatisa cu ta importante pa existi un rindimento di cuenta oportuno y confiable pa por determina loke tin mester. DUOS ta bay yuda e directivanan pa rindi cuenta mas lihe. Pa loke ta e supervision di e rindimento di cuenta, un reglamento ministerial ta establece cu mester verifica e rapportnan (financiero) anual di e directivanan escolar. E reglamento ministerial aki ainda ta den desaroyo.

Ademas di haci obligatorio un evaluacion, ta bay introducie den e reglamento un protocol di rindimento di cuenta y un protocol contable. Esaki ta bay ser elabora den colaboracion cu e Servicio Central di Contador (CAD). E redaccion di e protocol di evaluacion ya ta hopi avansa, pero e redaccion di e protocol di rindimento di cuenta ainda ta den e fase inicial. Ademas, e grupo di trabao a agrega, lo examina si e plaso den cual mester presenta e cuenta financiero evalua ta viable den e practica. Tur esaki ta rekeri un elaboracion mas grandi. Den ultimo instancia, e articulo lo wordo presenta na e direccion di educacion y mester ser aproba pa e minister. E detayenan den fase di elaboracion actualmente ta supervisa e pasonan cu ta determina con un evaluador mester realisa e supervision. Den ultimo instancia, e evaluacion di un contador den e rapport anual di e directivanan escolar ta bay wordo rekeri legalmente cuminsando desde 2025. Nan ta remarca cu esaki ta bay hiba algun tempo, pasobra prome mester compensa e atraso den e rapportnan anual. No tur e directivanan escolar ta completamente actualisa cu e preparacion y presentacion di e rapportnan anual. Un condicion previo importante ta cu e directivanan escolar mester ricibi suficiente fondo pa e costonan di e contador y suficiente apoyo pa prepara e cuentanan. Ora cu establece e supervision, ta importante tambe pa involucra tanto e directivanan escolar como e contadornan.

Suficiente capacidad di control y supervision

E grupo di trabao ta señala cu DUOS ta participa den e control y fortalecemento di e supervision financiero di e directivanan escolar y den e elaboracion di e likidacion anual. Segun nan ta informa, ta rekeri e formacion di 8 persona, pero actualmente solamente dos persona ta emplea den DUOS. Debi na e capacidad limita tin biaha ta recuri na CAD pa cierto problema. Nan ta enfatisa cu ta importante pa sigura un capacidad suficiente di control y supervision. Si aumenta e capacidad, ta posible delanta e plazonan y haci e ahustenan necesario mas prome. Ademas, por considera un forma di cooperacion cu un inspector financiero di Inspectie. Riba locual nan ta trahando principalmente aworaki na DUOS, e grupo di trabao ta sigui splica, ta pa reestablece e contact y confiansa cu e directivanan escolar, garantisa rapportnan uniforme y brinda splicacion cla pa asina e directivanan escolar sa riba kico nan tin derecho. Ta importante tambe pa e datonan di financiamento ta accesible pa e directivanan escolar.

Presupuesto plurianual

Den actualidad no ta actualisa presupuestonan plurianual (pa mas cu un aña). E atencion ta enfoca principalmente den proporciona un educacion di calidad halto y esaki ta costa placa. Sinembargo, e grupo di trabao ta enfatisa, un presupuesto mester sigui e politica. Aworaki e atencion ta enfoca principalmente riba kico por logra cu e recursonan disponible. Por lo tanto, ta importante pa tur e gobierno presta atencion na e trabao cu presupuestonan pa largo plazo.

Condicionnan

Pa e grupo di trabao e ineficiencianan ta ser considera un punto importante pa elimina. E ehemplonan ta inclui ineficiencia pa loke ta suplementonan dobel, un caida den e cantidad di studiantenan den combinacion cu e alohamento of cooperacion cu otro departamentonan. Un condicion anterior importante ta loke ta gespaar di educacion mester bay back pa educacion. Y esey no semper ta e caso. Otro condicion anterior importante ta cu mester tin suficiente personal cualifica. E personanan adecua no semper ta wordo atrai.

Ademas, e grupo ta agrega, na momento di elabora e politica, ta necesario pa tin na cuenta un idea cla di kico ta e recursonan disponibel pa e expectativa por wordo comunica claramente na e directivanan escolar. Por ultimo, ta importante likida e cuentanan di e ultimo aña lo mas lihe posible pa asina nan por cuminsa di cero.