(NLTimes) – Doñonan di propiedad manera Vesteda, Bouwinvest y Heimstaden no lo acepta nominacion di huurdo nobo ora cu e persona actual muda.
Segun e doñonan di e vivienda, huurdonan hopi biaha ta pidi persona nobo pa paga e vloer y cortina pa sumanan exorbitante a cambio di un nominacion. Nan kier preveni cu e viviendanan den e sector priva bay na e persona cu paga mas, NOS a reporta.
Segun Vesteda, cual ta dono di 27,000 cas na Hulanda, e nominacion tabata te cu awo un acuerdo di ganashi pa ambos partido. E compania no mester a busca huurdo nobo, y e huurdonan bieu por a haci areglonan tocante e articulonan cu ta den e vivienda. “Pero cu e aumento den escasez den e mercado di vivienda, nos a ricibi mas y mas keho,” e vocero a conta NOS.
“Prome, tocante casnan cu no a subi online. Tabatin mas y mas señal cu loke nan tabata pidi pa cubri e costonan no tabata den proporcion cu e balor di e articulonan,” vocero di Vesteda a bisa. “Por ehempel, un persona cu ta saliendo for di e vivienda a pidi riba rednan social 11,000 euro pa lamina e vloernan y algun di e mueble den e vivienda. Despues di esaki nos a cuminsa vigila rednan social di cerca y nos a mira cu nos casnan ta ser ofreci pa prijsnan hopi halto.”
Pa motibo aki Vesteda a dicidi cu nan no lo acepta nominacion mas pa vivienda cu tin un huur bao di 1,400 euro pa motibo cu nan ta e vivienda mas popular. E compania ta spera cu esaki lo haci e distribucion di casnan un proceso mas husto pa asina mas hende tin un chens igual na un huur accesibel.
Bouwinvest no lo acepta nominacion pa huur cu ta bao di 1,200 euro pa e mesun motibo. “Nos tambe a mira un exceso den e transferencia di casnan. E situacionnan aki ta e tipo cu abo como doño di vivienda kier evita.” Vocero di e compania a bisa e noticiero. “Ademas, nos kier pa tur hende tin un oportunidad igual na un huur accesibel.”
Heimstaden a bisa cu nan no a ricibi ningun keho te cu awo. “Esaki no ta cambia e hecho cu nos mester tuma e senalnan di Vesteda seriamente,” un vocero a bisa. “Pa motibo aki nos a dicidi di stop di acepta nominacion pa tur nos casnan.”
