(TMZ) – Doño di New York City cu a critica James Corden pa su comportamento ta sinti malo pa e anfitrion di programa nocturno, aunke e ta e persona cu a causa e gran cantidad di critica cu Corden a haya online.
Keith McNally, doño di Balthazar na SoHo, a publica riba su cuenta di Instagram diamars anochi un potret cu su yiu muhe y su amiga na su restaurant, sinembargo e mensahe cu e publicacion ta loke a genera reaccion.
El a bisa cu e ta sinti straño “cu e situacion tocante James Corden”, bisando cu e ta sinti pa ambos banda di e problema. “E tabata abusivo cu mi empleadonan, sinembargo, mi ta sinti malo pa su persona aworaki. Como tur cobarde, mi kier ambos cos.”
McNally su publicacion a bini despues cu el a retira e prohibicion contra Corden, unda cu a prohibi su persona di bolbe come na e restaurant en cuestion.
Fanaticonan riba internet ta dividi cu e caso aki. Algun ta defende McNally den su comentarionan defiendiendo su empleadonan, mientras otronan ta mira esaki como un manera pa e por yena stoel den su restaurant.
Anteriormente, McNally a publica riba su cuenta di instagram cu Corden tabata abusivo cu su empleadonan riba por lo menos 2 incidente. Asina hopi cu el a sinti su mes hustifica pa revela esaki na publico, un practica cu no ta comun den restaurantnan di nivel mas halto.
