The new Dolce and Gabbana dog perfume called "Fefe" in honour of Domenico Dolce's dog and released earlier this month is displayed on the shop window of the fashion brand boutique in Rome, Tuesday, Aug. 6, 2024. The perfume has been certified suitable for animal use according to the Italian 'Safe Pet Cosmetics' protocol, but not all veterinarians agree with the use of fragrances for dogs, because they could interfere with their sense of smell and cover up bad odours that could be a symptom of various diseases. (AP Photo/Gregorio Borgia)

(AP) – Marca di moda conoci Dlce & Gabbana a lansa un perfume nobo sin alcohol pa cacho yama ‘Fefé’, den honor na Domenico Dolce su poodle, sinembargo no ta tur veterinario y doño di cacho ta di acuerdo cu e ta safe ni apropia.

E perfume ta costa 108 dollar pa 3.4 ounce y a ser certifica como adecua pa uso riba bestia. E ta cumpli cu protocol di Safe Pet Cosmetics, cual tin e meta di garantisa un grado di seguridad den productonan cosmetico pa bestia, cual ta comparabel na esun rekeri pa ser humano segun Dolce & Gabbana a bisa.

“Via cumplimento y reconocimento na e protocol aki otorga na Bureau Veritas Italia, e companianan participando a demostra nan sensitividad den crea productonan cu ta garantisa y seguridad y respet di e bestia, di acuerdo cu e standardnan estableci,” e compania a bisa den declaracion otorga na e lansamento di e perfume.

Bureau Veritas Italia ta un compania publico cu ta provee inspeccion, verificacion di laboratorio y servicionan di certificacion.

Tur e doñonan di cacho cu a ser consulta ta di acuerdo cu e fragancia ta “sutil y bon acepta pa nan mascota,” y veterinarionan ta aproba di e producto, segun e compania su pagina web dedica na ‘Fefé’, cual ta cita evaluacion di veterinario y clientenan.

Sinembargo, no ta tur veterinario ta di acuerdo cu e uso di perfume den cacho, mirando cu nan por interferi cu e bestia su sentido di holo y por cubri mal holonan cu por ta un sintoma di malesanan. “Cachonan ta reconoce otro pa via di nan holo, nan ta reconoce un persona via su holo,” Federico Coccia, un veterinario na Roma a comenta.

“Ora cu un cacho yega, e ta mira’bo y porta su rabo ta bati, pero nan ta hole’bo prome y despues ta reconoce’bo pa motibo cu bo holo ta warda den su “base di holo.” Pa e motibo aki, e mundo di holo no mester ser cambia,” Coccia a agrega.

Coccia a bisa cu informacion tocante un malesa dermatologico por ta problematico si e holo natural di un cacho keda cubri. “Den e caso di dermatitis, por ehempel, e holo ta di cierto forma completa mi diagnosis.”

“E holo di su boca, e holo di su horea, tur ta ser tapa pa e perfume. Pues, e por ta un problema te hasta pa anos e veterinarionan,” Coccia a bisa.