(NLTimes) – Medicina contra obesidad mester ta disponibel pa mas persona, dokternan di obesidad a bisa e corant AD.
Demasiado persona no tin acceso na e medicinanan aki, mientras cu perde peso por haci nan menos vulnerabel na malesanan manera diabetes, y problema di curason. Mas o menos 14 porciento di residentenan di Hulanda ta sufri di obesidad.
National Healthcare Institute a aproba e prome medicina pa trata obesidad luna pasa. E medicina, Saxenda, ta reduci e sentimento di hamber, entre otro cosnan. E pakete basico di seguro di salud ta reembolsa e costo di e medicina pa hendenan cu tin un BMI di 40 of mas of cu un BMI di 35 of mas cu problema di salud. E pashentnan tambe mester sigui un programa special den cual nan ta traha riba un estilo di bida mas saludabel cu un coach.
Esaki ta un grupo hopi limita, Maurists de Brauw, ciruhano di obesidad na Spaarne Gasthuis a bisa AD. “esaki ta concerni mas o menos 650 persona anualmente, mientras cu centenares y miles di persona ta sobrepeso.”
Un BMI saludabel ta entre 18 pa 25. Ignace Janssen, director medico na Dutch Obesity Clinic, ta pensa cu medicina pa obesidad manera Saxenda mester keda receta na personanan cu un BMI cuminsando for di 27. “Pashentnan tin cu cambia nan estilo di bida. Y esaki no ta posibel si bo tin hamber constantemente. E medicina ta haci esaki hopi mas facil,” Janssen a bisa e corant.
Sinembargo, seguro no ta cubri e medicina aki pa nan, nan tin cu paga mas o menos 2,600 euro for di nan mesun saco. Y no ta tur pashent por cubri e costo aki. “E porta ta habri, pero un gran cantidad di persona no por pasa door di dje,” Liesbeth van Rossum, internista y profesor di obesidad na Erasmus MC a conta AD.
“Obesidad ta causa mas di 200 malesa. E ta miho pa nos combati e fuente.”
Mireille Serlie, profesor y internista na Amsterdam UMC, tambe kier duna mas pashent e opcion aki. “Mientras mas peso bo subi, e riesgo di malesa cardiovascular ta aumenta. E ta imperativo cu medicamento efectivo ta disponibel pa perde peso y preveni e aumento di peso.”
