(NLTimes) – E tarifanan cu dokternan di cas na hulanda ta cobra pa e cuido cu nan ta provee mester ser reevalua, un corte tribunal a declara diahuebs. E decision a ser tuma den un caso treci dilanti pa un grupo di dokternan di cas cu tabatin obhecion cu e tarifanan cu NZa a dicta pa e aña aki y aña 2024.
Corte na Den Haag a duna ordo cu NZa mester bolbe valua e tarifanan ofreci y a bisa cu e autoridad no ta permiti mas pa basa su decisionnan riba un analisis di costo conduci na aña 2015. Pa determina e tarifanan, NZa mester mira e gastonan cu e grupo profesional a cubri den eana aki y despues ahusta e tarifanan aki pa inflacion. E decision a ser duna pa e Trade and Industry Appeals Tribunal, tambe yama CBb, cual ta e corte mas halto den casonan cu ta relaciona cu ley administrativo socio-economico y casonan relaciona cu e Competition Act of Telecomunications Act.
Durante e caso, e organisacion De Bevlogen Huisartsen a argumenta cu e estudio di 8 aña atras no ta valido mas. Por ehempel, e gastonan di acomodacion y empleadonan a aumenta drasticamente y e dokter di cas tambe a ricibi un responsabilidadnan mas pisa. Por ehempel, a agrega casonan di pashentnan cu kehonan di coronavirus of Long Covid, y e dokternan di cas awo tin un rol mas importante den cuido fisiologico, e grupo a argumenta. Otro argumento cu e dokternan a usa ta e acuerdo di aña 2018 cu e dokternan di cas lo inverti mas tempo den e consultanan cu pashent.
NZa a señala cu ambos e omzet y ganashi di e practicanan general a aumenta, cual ta nifica cu e dokternan aki su consultorionan no mester ta enfrentando problemanan financiero. E autoridad tambe a bisa cu nan ta compronde cu e sector a cambia den añanan recien.
CBb a declara cu “no por determina obhetivamente awo si e tarifanan di 2023 y 2024 ta cubri tur gasto.” Esaki no ta inmediatamente nifica cu e tarifanan mester aumenta, pero si esaki ta nifica cu NZa mester bolbe evalua esaki. E huesnan a keda di acuerdo cu e acusacion cu e tarifanan aki no a ser estableci di e manera corecto.
Varios dokter di cas tabata siguiendo e proceso legal di cerca. E caso ta involucra 129 dokter individual. National Association of General Practitioners (LHV) y Association of Practicing General Practitioners (VPH) tambe tabata partido den e demanda.
