11mei, NP, Salazar (1).jpeg

Aworaki e situacion di Influenza H1N1 ta den e etapa cu e ta bahando. Segun Wilmer Salazar dokter na Departamento di Salud Publico, e casonan ta bahando pero ta tene cuenta cu por presenta algun caso complica pa hendenan cu tin algun problema di salud. “No ta mira un subida den e tipo di virus aki.”

 

Ta importante pa corda cu tur virus por tin su consecuencianan si hende su defensa ta hopi abou. Consecuencianan manera neumonia entre otro. E virus ta uno cu ta den regionnan rond di nos, y e biaha aki e ta uno patogenico.” Cu patogenico Sr. Salazar a splica cu e virus ta mas severo cu anteriormente, sintomanan ta mas pisa cu normalmente ta conoci pa e virus duna. Sinembargo e no ta algo cu e instancianan mundial di salud ta considera un alerta. 

 

Personanan manda Colombia

Por a mira publicacionnan den media cu ta indica cu varios persona lo mester a bay Colombia pa atencion medico. Sr. Salazar a bisa cu esaki ta trata personanan cu complicacion manera personanan cu ya ta sufri di algo manera problema cu pulmon, y muchanan bou di 2 aña di edad. El a enfatisa cu e ta un “seasonal flu” y ta presenta na cualkier parti di mundo, e no ta un virus nobo djis cu el a bin duro e biaha aki.

Loke ta purba preserva mas tanto, ta e parti cu Unidad di Cuido Intensivo y e mashin di cuido pa respiracion. No por yena cuido intensivo full yen, pues ta busca pa laga trata un persona na Colombia pa un periodo cortico pa mehora su situacion di salud y despues nan ta bin bek Aruba. “Mester mantene e cuido intensivo na Aruba no ocupa den caso tin mester di dje ora di emergencia. Esaki ta asina na tur Hospital di mundo, pues no por ocupa e cuido intensivo completo, mester tin reserva.”

Siman pasa nos (Bon Dia Aruba) a entrevista director di hospital kende a bisa cu lo bin un programa pa atende cu e virus aki den futuro. Sr. Salazar a bisa cu berdad esaki ta e situacion, sinembargo e problema ta keda cu e ta un virus di temporada y mester por mantene e plan di accion manera debe ser, manera e parti di accion rapido pa e no plama.

 

Vacuna
Mester corda cu October lo cuminsa e temporada di vacunacion contra di Influenza. “Por fabor tur hende pone atencion na esaki. Nos tin experiencia caba, corda na 2009 ora cu e griep di porco a bin e tabata un panico. E virus actual ta bin tur aña tin biaha mas suave cu otro.” El a splica cu ta proteha mas tanto hendenan cu tin problema di salud of hendenan cu ta atende cu otro persona malo (manera den instancianan), pa haci vacuna durante e proximo temporada (cada aña ta nobo). A puntra Sr. Salazar si tur persona por tuma e vacuna aki, el a splica cu tur persona cu tin problema cu nan salud por bay nan dokter di cas, e dokter ta traha e recept cual nan ta presenta cun’e na Departamento di Salud Publico den e seccion di malesanan contagioso, pa nan haye por nada. Un persona cu ta saludabel si mester paga 15 florin den caso cu e kier ricibi e vacuna, muchanan tambe ta cay den e categoria di gratis. “Aworaki ya e temporada ta pasando, pero mi ta kere cu mayoria persona a tene algun tipo di contacto cu e virus caba, anto e vacuna lo por ta eficiente y kisas no, pero pa ta mas sigur ta recomenda pa tuma vacuna. Na luna di september lo saca un campaña, pa informa comunidad pa nan ta consciente pa proteha nan mes y famianan y pa tuma e vacuna. Cada aña e virus ta diferente pues e ta esencial pa haci esaki.”

 

Virus hopi contagioso
E virus ta hopi contagioso  y ta wordo transmiti den aire manera ora cu un persona ta nister. E por cay ariba keyboard of riba mesa y si esakinan ta wordo comparti, por contagia esaki mescos cu si ta comparti otro articulonan. Pa loke ta  e espacio laboral, y scolnan tambe e ta facil pa wordo transmiti door cu tin concentracion di hende den e mesun espacio. “Nos ta recomenda si un persona cuminsa haya sintomanan manera keintura halto, dolor di curpa, dolor di garganta, nistermento of tosamento seco, pa por fabor tuma contacto cu trabou y dokter y no bay traha. Ta preferibel pa haci esaki pa evita cu ta contagia tur compañeronan di trabou.”

 

Finalmente companianan mester haci nan limpiesa di sistema di airco regularmente pa preveni y tambe elimina tur sorto di virus, esakinan ta poni den normanan. Mientrastanto Lysol tambe ta bon pa uza den aire y ora di limpiesa special si un hende tin tosamento etc. Sr. Salazar a termina bisando