Dr. Phillip Milgram ta un dokter kende a aparece riba e show di ‘reality’ di Kim Kardashian, Kylie Jenner y nan famia, apenas algun siman atras pa duna Scott Disick tratamento. Y awo, E! a anuncia cu a elimin’e di e episodio basa riba acusacionnan asombroso cu a sali na luz.
Un muhe basa na San Diego, Beverly Willhelm, a skirbi un opinion editorial pa Daily Beast, y a splica cu Milgram a insemin’e cu su sperma sin su permiso – un termino conoci como ‘violacion sexual medico’.
Varios aña atras, tempo cu Beverly y su esposo e tempo ey tabata purbando di haya yiu, nan a busca ayudo di e dokter. El a bisa nan cu e por insemin’e cu sperma di un donante anonimo, kende su sperma a ser usa varios biaha pa yuda muhe. A describi e donante como ‘den bon salud fisico y mental’
Pero a resulta cu Milgram a usa su propio sperma – sin permiso di Willhelm – pa lag’e sali na estado cu un yiu homber.
Den e episodio di dia 1 di october di Keeping Up with the Kardashians, Milgram a aparece yudando Scott cu tabata sinti un tiki malo.
Un vocero di E! a bisa Daily Beast: “Presentacion di Dr. Milgram a ser elimina di tur transmision di e episodio aki di ‘Keeping Up with the Kardashians’ den futuro.”
Potret: Daily Mail.
