Un dokter Hulandes cu tabata ser trata na e centro medico di e Universidad di Leiden despues cu el a haya kentura di Lassa na Sierra Leona a fayece pa motibo di e enfermedad. E dokter a ser traslada bek pa Hulanda den isolacion stricto y entrena den hospital cual tin un unidad grandi pa incidentenan importante.
Sinembargo el a fayece dia 23 di november ultimo, esaki ta segun e instituto di salud publico RIVM. Un segundo dokter Hulandes den e hospital na Africa tambe a desaroya e enfermedad y ta kere cu ambos a ser infecta cu e mesun pashent, RIVM ta bisa. E segundo dokter ta ser trata den un unidad di aislamento di e hospital Universitario na Utrecht. Un enfermera local cu tambe a ser infecta ta ser trata na Sierre Leone.
Ambos tabata traha na e hospital Madaga na Sierra Leona pa e organisacion Noruega Capacare International. E organisacion bisa e di e dokter cu a fayece cu nan a admira su conocemento , capacita y pasion pa asina mehora e acceso di e atencion di cirugia na e pais. Varios otro proveedornan di atencion medico Hulandes ta trahando na e hospital di Sierra Leona y tur cu tabata den contacto cu e dos pashentnan cu kentura di Lassa tambe a ser treci bek riba un vuelo special. Debi na e deteccion trempan di contacto, tin poco posibilidad cu e virus ta plama na Hulanda, RIVM a bisa. Segun e agencia di noticia AFP, e dokter a desaroya sintomanan di e enfermedad despues di a opera un muhe na estado. Hende ta ser infecta cu e kentura di Lassa via di contacto cu e excremento di ratonnan infecta, of pa contacto cerca di persona pa persona.
