Horacio Oduber Hospital ta informa cu nan a atende 243 pashent di locual 48 a keda interna. Mayoria cu a drenta via Emergencia tabata pa motibo di accident di auto (10), 6 victima di maltrato y 5 pa motibo di vuurwerk. E dokter na warda si tabata mas druk cu Aña Nobo pasa.
E 243 a drenta hospital durante fin di aña y aña nobo, cuminsando desde 30 di december 2016 pa 6or di atardi te cu dia 2 di januari 2017 pa 6or di mainta,
E edad di pashent di incidentenan a varia entre baby pa 77 aña. Di e 26 pashent cu a drenta Departamento di Emergencia relata na incidentenan 4 a drenta pa motibo di consumo excesivo di alcohol. A atende 10 pashent pa via di accident di auto, 6 pashent a drenta pa motibo di maltrato y 5 pashent cu herido causa directo of indirecto pa vuurwerk. Di e victimanan di vuurwerk 2 tabata mucha pero afortunadamente ningun pashent di vuurwerk tabata di un gravedad halto pa keda interna den Hospital.
Dokter di Warda of miho conoci como Huisartsenpost tabata mas druk cu aña pasa y a mira un total di 153 pashent durante dia 30 y 31 di december 2016 y dia 1 di januari 2017.
