Riba diasabra 18 di juni 2016, Dojo Konishi JKR tabata di fiesta mirando cu 28 di su alumnonan a pasa nan examen di Kyu exitosamente.
Despues di a scucha nos himno di Aruba, e hefe instructor nacional di e organisacion di Japan Karate-Do Ryonu-Kai (JKR) Aruba, sensei Felix Tromp, a duna inicio na e ceremonia di entregamento di certificado y faha. Durante su discurso a felicita e atletanan como tambe nan mayornan pa tur e esfuerzo, e apoyo incondicional y e confianza duna na e deporte di karate como tambe na e organisacion di Dojo Konishi JKR.
Durante e ceremonia a bai over pa hasi e entrega di tur certificado y banchi na tur e 28 alumno y despues di esaki nan tur a huramenta (Dojo-kun).
Despues di e ceremonia official Dojo Konishi a ricibi bishita di Korps Politie Aruba (KPA) cu a duna tur presente un lezing cu informacion tocante droga y con pa ta alerta. Personal di K9 tambe tabata presente huntu cu su cachonan y a duna tur presente un demonstracion di nan trabou cu ta encera busca droga, arma, placa y hende perdi como tambe a hasi un simulacro di con cachonan di K9 ta ataca y captura criminalnan.
Pa finaliza e evento aki tur presente por a disfurta di un pasa boca y coi bebe y asina celebra huntu un otro logro di e alumnonan di JKR como tambe un evento exitoso.
Dojo Konishi JKR kier a manda na prome lugar palabranan di pabien pa tur su alumnonan, como tambe palabranan di agradecimiento na tur mayor, famia y amistadanan presente, directiva di Dojo Konishi, KPA y K9 pa nan sosten y ayudo cu hasi e evento aki bira uno exitoso, inolvidable y special pa tur presente. Ryobu-kai, Banzai, Banzai Banzai!
