(AP) – FIFA su dokter a enfatisa cu hersenschudding den futbol ta su prioridad diamars prome cu Word Cup unda ekiponan por usa un extra substituto si un hungado ta sospecha di tin a sufri un hersenschudding.

“Mi au ni FIFA pa purba y haci un diferencia y hersenschudding ta e prome punto den mi lista. Esaki ta e punto unda nos por enfoca riba dje,” Andrew Massey, ken a uni e cuerpo gobernador di FIFA como su director medico den aña 2020 despues di ta un dokter di ekipo pa Liverpool. “Loke nos ta haci na World Cup lo ser evidencia na futbol tur caminda.”

E torneo na Qatar lo ta e prome torneo di Copa Mundial unda e ekiponan por tin un substituto permanente adicional den un wega si ta sospecha cu tin hersenschudding, ademas di e 5 cu por ser usa den e regulacion 90 minuut.

Den e final di Copa Mundial 2014, hungador di ekipo di Alemania Christoph Kramer a keda riba pista pa 14 minuut despues di a ricibi un golpi fuerte den su cara ora cu el a accidenta contra un oponente di Argentina. El a ser reemplasa solamente despues cu el a cay abao.

Futbol hopi biaha tin un actitud inconsistente na golpinan den cabes, y esaki a ser mira diasabra na English Premier Eague. Emiliano Martinez, ken ta keeper di Argentina a sigui hunga pa various minuut contra di Newcastle apesar di a mustra un poco fuera di tino despues cu el a dal contra un miembro di su ekipo.

FIFA su panel cu ta crea ley, conoci como IFAB, a specialmente permiti substitucion pa hersenschudding specificamente na e Copa Mundial mientras cu nan ta sigui test esaki te cu augustus di proximo aña cu mas o menos 140 competencia global.

Massey a comenta cu FIFA su strategia ta pa “sospecha y proteha,” cu e meta di evita cu e hungadornan herida lo keda riba veld te cu e herida bira mas severo y bira mas cla. “Nos no kier laga e ekipo numericamente cu un desbentaha ni tampoco tacticamente,” el a comenta na FIFA su “Living Football” show.

Na Qatar, e empleadonan medico di e ekiponan lo tin tablet pa nan por bolbe mira puntonan den e wega rapidamente y asina ricibi conseho di personanan cu lo ta den e audiencia specificamente pa monitor si tin posibilidad di un hersenschudding. “Tur cos FIFA haci ta sostene e dokternan di e ekipo” ken ta tuma e decision final si un hungador por sigui hunga of mester keda reemplasa, Massey a finalisa.